距離5月23日已經有60日，終於有時間好好整理雅典之夜既心情
60日前的激動至今仍在心頭，有時候甚至希望，新既球季唔好咁快開始，依份激動就會永遠停留，pippo就會係永遠既英雄
見到pippo踢波係我最大既樂趣，但有時真係好怕過去半年日夜等候期待上場既忐忑心情又再重現，esp再不願去承認，也得承認日子一日一日咁過，見到pippo上場既機會亦會愈來愈少.....
自從5.23後，不斷翻看過去兩年既日記，內容總係圍繞住pippo
由當初無止境的等待，再到那串苦盡甘來既淚水，真係千言萬語說不盡
太多太多既不平，曾經以為依個世上唔會有苦盡甘來，更加唔會有奇蹟
由全世界都睇死你唔會重返球場，到一個又一個入球帶你去德國，本來以為在1年前的柏林，已經算係大團圓結局，但你永遠不甘去做一個過客．．．
yy講得0岩，睇左pippo踢波咁多年，從來冇好似5.23那晚般給你如此多close up，苦盡甘來既神話終於譜下，而你，終於都成為當中既主角
睇見你躲0係隊長身後偷泣，勾起好多回憶，諗番起10年前，第一次0係電視上見到你既身影，那時我既目光仲係停留０係巴治奧身上，只係奇怪，點解依個靚仔一d都唔似踢波既？
98年世界盃上跳上巴治奧身上既天真笑容，99年一己之力帶領祖雲直闖歐聯4強，在祖雲最後兩年被憂鬱取代既愁容．．．
01年重傷後的眼淚，那是我第一次見到PIPPO流淚．．．
還有8強對拜仁，你拖住一隻腳上陣也依然全力以赴完成任務．．．
下個月pippo就快34歲，but so what？34歲既你依然像24歲既你一樣在球場付出100％，好似加利安尼所講，你永遠都係一個長不大的小baby
肥安同加利安尼不斷讚你係球員既榜樣，戥你開心之餘亦不禁概嘆，依D讚美同尊重係咪來得太遲？
不過經過挫折同遺憾換來既結局總係更加難能可貴，「我不是朗拿甸奴，但憑著一份堅持與信念，我仍然能找到自己的天空。」，的確，就算你冇細哨出神入化既技術，但你既鬥志同意志力，我相信依個世上係無人可以取代，你已經係一個傳奇
曾經為PIPPO寫過3，4篇文章，依篇編幅最少，卻係我最滿意
因為或多或少我都將咁多年既怨氣投入左落字裡行間
最安慰既係，真係有人睇完後，去了解多左PIPPO
希望，還有機會繼續寫下去．．．．

恩沙基懶理嘲諷入球贏掌聲 (明報) 05月 25日

【明報專訊】「恩沙基已經老去、恩沙基不足為患、恩沙基只懂越位......」，任憑多少冷嘲熱諷，這位33歲的老牌射手永遠在適當時候出現，在適當位置反擊批評聲音。從面臨掛靴之虞到成為世界盃冠軍

隊成員，從被認定英雄遲暮到化身歐聯決賽最佳球員，不死的鬥心讓恩沙基在兩年內創造了兩次神話。